Wat ‘n ongelooflike belewenis was dit as Besturende Direkteur van die maatskappy, Ons Tuis, om te sien hoe mense se harte oopgegaan het vir ons bejaardes.

Deur die NEEM ‘N GROOTOUER AAN-veldtog het persone van heinde en verre met inwoners kontak gemaak deur middel van kommunikasie, briefwisseling of die gee van geskenke wat ‘n groot positiewe impak op ons inwoners gehad  het. Dié optrede was ‘n duidelike boodskap van “ons reik uit en ons gee om.” Dit maak beslis ‘n ongelooflike verskil in die lewens van ons inwoners.

Daar was verskeie  onbeskryflike oomblikke en opgewondheid op ons inwoners se gesigte wanneer hul ‘n boodskap, brief of geskenk ontvang het. Hulle kon nie wag om in hulle kamer of woonstel te kom om die verrassing oop te maak nie, hetsy brief of geskenk.

Ons het nie genoeg woorde om ons dank en waardering oor te dra aan die persone (engele) wat ‘n verskil maak en vreugde bring in die lewens van ons bejaardes.

Dit was net weereens ‘n bewys dat ons as Suid-Afrikaners kan saamstaan vir ‘n goeie doel.

Vriendelike groete

Adv. Jaco Bothma
Besturende direkteur van Ons Tuis