|
Mag u jaar, 2024, gevul wees met vreugde, geluk en goeie gesondheid.
Die gekose tema van die jaar, vir ons nuusbriewe is die “Ons Tuis Wedloop” wat ons almal gaan aandurf volgens ons eie vermoëns en ons eie pas. Die tien kilometer wedloop sal op in Februarie in aanvang neem en die voltooingsdatum is die einde van November. Elke maand sal gevul wees met ‘n kilometer boodskap van die Ons Tuis wedloop.
Rondom Julie/Augustus die jaar, vind die grootste sportgeleentheid in die wêreld, die Olimpiese Spele in Parys, plaas.
Daar word vertel dat in 1968, het die Olimpiese Spele in Mexikostad plaasgevind. Omrede die verseggende hitte en hoogte bo seevlak die lug baie dun gemaak het, het veral langafstand atlete baie swaar gekry.
Die 42km-marathon item het op 20 Oktober 1968 plaasgevind. 75 Atlete het aangetree om mee te ding. John Stephen Akhwari, van Tanzanië was een van die atlete.Tydens die wedloop het Akhwari baie swaar gekry, nie net as gevolg van die hitte nie, ‘n hond het hom bestorm en probeer byt, rukkie daarna was daar ‘n skarreling in ‘n bondel atlete waartydens Akwari geval het. Met die val het hy sy knieg beseer en sy skouer het in die proses die sypaadjie getref en is ook beseer.
Mede atlete en toeskouers langs die roete het aangeneem dat hy sal onttrek en hospitaal toe geneem sal word vir sy beserings. Maar nadat hy mediese behandeling langs die pad ontvang het, het hy voortgegaan met die wedloop. Op daardie stadium het 18 van die 75 atlete wat die wedloop begin het reeds die handdoek ingegooi.
Meer as ‘n uur nadat die wenner die wenstreep oorgesteek het, het Akhwari sukkelend en in baie pyn die stadium ingekom, en die wenstreep laaste oorgesteek.
|
Die skare het hom staande toegejuig. Dit was lank nadat medaljes vir die wedloop al oorhandig en volksliedere gesing was.
Verslaggewers was baie verbaas en het Akhwari uitgevra hoekom hy klaargemaak het, dit terwyl hy sigbaar in baie ongemak en pyn was. Akhwari het hierop geantwoord, “My land het my net gestuur om die wedloop te begin nie, maar om die wedloop klaar te maak”. Sy antwoord het legendaries en deel van die Olimpiese Spele se geskiedenis geword.
Die tema van hierdie maand en vir die begin van jaar, is END-UIT. Dit is belangrik dat die beplanning van ons daaglikse lewe gefokus moet wees om die lewe, ons lewens wedloop, end-uit voluit te lewe.
Die inhoud van ons daaglikse optrede en ons geloof sal bepaal of ons sal volhard en die wedloop in 2024 suksesvol end-uit gaan voltooi. “Maar wie tot die einde volhard, sal gered word” (Matteus 24:13).
As inwoners, werknemers, families en geliefdes is ons nie alleen in die wedloop nie en is die aangee van water, woord van bemoeding aan ‘n mede atleet, ons medemens, noodsaaklik om die wedloop te voltooi.
God het ‘n doel met elkeen se lewe in 2024 en daar gaan verseker uitdagings en beserings wees, maar met ons oog gerig op die eindstreep sal ons wel die wedloop end-uit voltooi.
Gaan end-uit, volhard en voltooi jou wedloop.
Vriendelike Ons Tuis groete
Adv. Jaco Bothma
Besturende direkteur: Ons Tuis
|
